Սույն թվականի հոկտեմբերի 10-ին, Գիտաիննովացիոն բաժինը՝ ի դեմս բաժնի ղեկավար Հ. Հակոբյանի,  Ֆրանսիական համալսարանի «Ինֆորմացիոն տեխնոլոգիաներ» ֆակուլտետի ուսանողների հետ համատեղ իրականացրեց շնորհանդես-քննարկում «Իննովացիոն լուծումներ կրթական համակարգում» խորագրով:

Նշենք, որ նորարար ուսանողները հիմնել են իրենց «ԹեյքԱր» (TakeAp) սթարթափը, որը իննովացիոն լուծումներ է առաջարկում  կրթական համակարգում:

Նշենք, որ «ԹեյքԱր»-ը առաջարկում  է  AR  և  VR (AR-լրացված իրականություն,VR -վիրտուալ իրականություն)  հեղափոխական տեխնոլոգիաները կիրառել  դասագրքերի նյութերը ավելի հավաքական դարձնելու նպատակով:  Այսինքն՝  դա հնարավորություն կտա ուսանողին փոխազդել գրքիբովանդակության հետ տարածության մեջ՝ տեսնել  3D մոդելներ, թափանցել օբյեկտի ներսը,  նայել  շուրջը, պտտել  360 աստիճանով, հասնել  Մարս կամ քայլել Փարիզի փողոցներով:

Միջոցառմանը ուսանողները ներկայացրեցին, թե ինչպես  AR/VR լուծումները կարող են բարձրացնել կրթության որակը:  Միջոցառման ընթացքում ցուցադրվեց  AR/VR  գործիքաշար, որը կնպաստի կրթության ոլորտում  նոր գաղափարների և ուղղությունների զարգացմանը:

Փորձագետները համոզված են, որ 10 տարի հետո AR/VR տեխնոլոգիաների շուկայի ծավալը կհասնի 200 միլիարդ ԱՄՆ  դոլարի:

Հետևաբար պետք է ակտիվ լուսաբանել «ապագայի» տեխնոլոգիաների կիրառումը կրթության ոլորտում, ինչը տեղ գտավ մեր քոլեջում: